Katër insoektorë të Emergjencave Civile janë vënë nën hetim për prerjen e pyjeve në fshatrat e Durrësit, Manëz e Ishëm.
Në zbatim të operacionit ”Roja i Gjelbër”, Policia e Shtetit njoftoi se ka filluar procedimin penal në ngarkim të 8 shtetasve, 4 prej të cilëve me detyrë Inspektorë të Emergjencave dhe Shërbimit Pyjor dhe 4 të tjerë, banorë të zonës, pasi këta të fundit janë kapur me 17 m3 dru zjarri prerë në mënyrë të paligjshme.
Ka filluar procedimi penal për punonjësit:
S.D. 55 vjeç, banues në Ishëm , me detyrë Inspektor i Emergjencave Civile;
R.S. 52 vjeç, banues në Ishëm , me detyrë Inspektor i Emergjencave Civile;
E.C. 28 vjeç, banues në Durrës, me detyrë Inspektor i Shërbimit të Mjedisit Pyjor;
A.C. 30 vjeç, banues në Ishëm, me detyrë Inspektor i Shërbimit të Mjedisit Pyjor.
Gjithashtu janë shpallur në kërkim dhe po punohet për kapjen e shtetasve:
Z.B. 25 vjeç, banues në Ishëm;
G.B. 32 vjeç, banues në Ishëm.
Gj.Ç. 76 vjeç, banues në Manëz;
B.Sh. 42 vjeç, banues në Hamallaj.
