Publikuohen emrat e të arrestuarve dhe personave në kërkim pas përfundimit të operacionit policor “Ndalesa e Fundit”, gjatë të cilit Policia e Shkodrës sekuestroi 70 kg kanabis.
NJOFTIMI I PLOTE
Sot me datë 15.11.2017 nga efektivet e Drejtorisë Vendore të Policisë Shkodër në bashkëpunim me efektivët e Komisariatit të Policisë Malësi e Madhe u finalizua me sukses operacioni policor “Ndalesa e Fundit” ku u bë arrestimi në flagrancë i shtetasve:
Fatbardh Hoxha 26 vjeç, banues në Komes, Fushë Krujë
Kledi Xeka 29 vjeç, banues në fshatin Halilaj, Fushë Krujë.
Si dhe u bë shpallja në kërkim si bashkëpunëtorë, i shtetasve:
Aurel Babasi, banues në fshatin kameras, Fushë Krujë
Sar Hoxha, banues në fshatin kameras Fushë Krujë,
Edmond Xaka banues në fshatin kameras Fushë Krujë,
Arrestimi i shtetasit Fatbardh Hoxha u bë pasi në afërsi të një karburanti në fshatin Grizhe, Malësi e Madhe, ju gjetën dhe sekuestruan në cilesinë e provës materiale rreth 70 kg Cannabis Sativa të cilen e kishte në automjetin tip Golf 5 me targë AA077RZ.
Gjithashtu arrestimi i shtetasit Kledi Xeka u bë pasi në bashkëpunim me personat e tjerë i cili ishte në drejtim të mjetit Golf 5 me targa AA 911 RV po shoqëronin shtetasin Fatbardh Hoxha për transportimin e lëndës narkotike.
Ndërsa shtetasit e shpallur në kërkim sapo kanë parë policinë janë larguar, pasi të dy mjetet kanë qënë të parkuara tek karburanti.
Jane ngritur pika kontrolli dhe po punohet për kapjen e shtetasve të shpallur në kërkim dhe bashkëpunëtorëve të tjerë.
Materialet do t’i kalojnë Prokurorisë së Rrethit Gjyqësor Shkodër për veprën penale të “Prodhimi dhe shitja e narkotikëve e kryer në bashkëpunim” parashikuar nga neni 283/2 i Kodit Penal.
