Në Mirditë, sipas dëshmisë së një banoreje të fshatit Rrasfik është ndërtuar së fundmi një fabrikë zifti, e cila sipas saj po ju shkakton shumë dëmtime, që nga djegia e syve e deri te vështirësitë për të marrë frymë.
‘Si të mos mjaftonin lavatriçet e rërës që gërryenin lumin Fan dhe shumë toka afër lumit, tani është kthyer një shqetësim tjetër shumë i madh për të gjithë ne që jetojmë në këtë fshat të vogël, një fabrië zifti është hapur tani dhe siç duket në video nxjerr shumë tymra në ajër, duke e bërë të pamundur shpesh herë dhe të marrim frymë.’, shkruan banorja te ‘Nisma Thurje’
Dëshmia e saj është shoqëruar edhe me një video, e cila tregon qartë tymin që del nga oxhaku i ndërtimit.
‘Ne nuk mund të dalim jashtë sepse na djegin sytë. Do doja shumë ta publikonit këtë rast sepse kam shpresë se mund të na ndihmonit.’, përfundon ajo.
