Festa e ndërrimit të viteve është shoqëruar edhe me incidente të vogla , të cilat kanë dashur ndërhyrjen e stafit mjekësor.
Më shumë se 700 qytetarë kërkuan ndihmë mjekësore gjatë natës së ndërrimit të viteve.
Për të përballuar fluksin e urgjencave , Urgjenca Mjekësore Kombëtare dhe spitalet në të gjithë Shqipërinë ishin në gatishmëri 24 orë në ditët festive.
Ndërkohë që u riorganizua shërbimi i urgjencës në territor. Rreth 127 autoambulanca ishin në gatishmëri me ekipet mjekësore në të gjithë vendin.
Në Tiranë ishin 5 pika dhe 8 ekipe urgjence në terren, pranë sheshit Nënë Tereza dhe sheshit Skënderbej, në Kombinat, rrugën e Kavajës, në ish-Urgjencën e Tiranës si dhe në Qendrën Kombëtare të Urgjencës, pranë spitalit të Traumës.
Në kryeqytet autoambulancat që ishin në gatishmëri kanë kryer 142 misione.
17 persona u dëmtuan lehtë nga fishekzjarret, ndërkohë që ka patur edhe raste të shumta nga qytetarët që kërkonin ndihmë mjekësore si rezultat i konsumimit të alkoolit
