Nuk ka asnjë dyshim për Fenomenin Ronaldo. Leo Messi dhe Cristiano Ronaldo do ta kishin shumë të vështirë të mund të shkëlqenin në botën e futbollit nëse do të luanin në të njëjtën periudhë me Luis Figo-n, Rivaldo-n, apo Zinedine Zidane-n.
“Në brezin tim, konkurrenca ishte më e madhe. E them këtë pa dashur që të hedh poshtë talentin e Messi-t dhe të Cristiano Ronaldo-s. Ata do të luftojnë për titullin e lojtarit më të mirë të botës në vitet e ardhshme. Sidoqoftë në kohën time, ishin Zidane, Rivaldo, Figo dhe unë. E më pas u shfaq Ronaldinho. Ishte më e vështirë që të ishe më i miri i atij brezi”, deklaroi Fenomeni për “Bild”.
