Pas takimit me kryetaren dhe kreun e grupit parlamentar të Lëvizjes Socialiste për Integrim, Monika Kryemadhi dhe Petrit Vasili, kryetari i Partisë Demokratike, Lulzim Basha, do të zhvillojë një tjetër takim të rëndësishëm.
Ai do të presë në zyrën e tij dy nënkryetarët e partisë, Edi Paloka dhe Edmond Spaho si dhe sekretarin e përgjithshëm Arben Ristani.
Pak më herët, Kryemadhi e Vasili shkuan me urgjencë në selinë e PD, për të diskutuar rreth protestës që pritet të zhvillohet në kryeqytet gjatë këtij muaji.
Megjithatë ende nuk janë dhënë detaje se kur do të jetë data e saktë e protestës, edhe pse mendohet të jetë data 15, që përkon dhe me nisjen e seancës parlamentare për vitin 2018.
