Edhe pse zgjedhjet për kreun e ri të Federatës Shqiptare të Futbollit do të mbahen, më 7 shkurt 2018, Qeveria “Rama” ka nisur një luftë totale për të “pronësuar” institucionin e futbollit, për të trembur aktorët që kanë të drejtë vote në Asamblenë e Përgjithshme Zgjedhore.
Pas shpalljes zyrtarisht të dy kandidatëve, Armando Duka që aktualisht mban postin e kreut të FSHF-së, dhe Bashkim Fino, deputet i Partisë Socialiste që pritet të shpallë sot kandidaturën, aksioni politik për të marrë kontrollin mbi futbollin po thellohet.
Drejtoria e Përgjithshme e Tatimeve ka nxjerrë një urdhër për kontroll tatimor të klubeve të futbollit, pikërisht tani, kur janë shpallur zgjedhjet për presidentin e FSHF-së, duke e menduar këtë ndoshta si një mjet presioni për presidentët e këtyre klubeve që do të votojnë në 7 shkurt presidentin e ardhshëm.
Në urdhrin e kontrollit, specifikohet se kontrolli do të kryhet nga data 22 janar 2018 deri në datën 7 shkurt 2018, pikërisht ditën e zgjedhjeve në FSHF.
Duket qartazi se një kontroll i tillë, mund të ishte bërë shumë kohë më parë, për të mos ndikuar në garën e nisur tashmë për të marrë qeverisjen e futbollit për katër vitet e ardhshme.
Në listë përfshihen klubet:
Klubi i futbollit “Skënderbeu”
Klubi i Futbollit “Vllaznia”
Klubi i Futbollit “Laçi”
KF “Apollonia” sh.a.
KF Burreli sh.p.k
Klubi i Futbollit “Teuta”
Klub Futbolli “Luftëtari”
Klub Futbolli “Lushnja 1930”
Futboll Club “Besa”
Klubi i Futbollit Luz i Vogël 2008
Minifutboll FS Teuta
Klubi i Futbollit “Turbina”
Klub Futbolli “Shkumbini”
Shoqata e Futbollit “Pepa”
Klubi i Futbollit “Sopoti” sh.a
Klubi i Futbollit “Albpetrol”
Futboll Klub “Tepelena”
KF Luftëtari
Klubi i Futbollit “Besëlidhja”
Klubi i futbollit “Adriatiku” Mamurras
Shoqata e Futbollit “Besëlidhja”
Shoqata e Futbollit “FK Shënkolli Lezhë”
Klubi i Futbollit “Butrinti”
K.F Delvina
