Seanca në Kuvend është ndërprerë pas tensioneve që ka shkaktuar moslejimi i fjalës së Edmond Spahos në Kuvend.
Përfaqësuesi i demokratëve kërkoi të lexonte kërkesën e opozitës për ndryshimet kushtetuese, por nuk është lejuar nga kreu i Parlamentit, Gramoz Ruçi.
Në këtë moment i pari që është ngritur ka qenë kreu i PD-së, Lulzim Basha. Ai ka kërkuar dhënien e fjalës dhe ka zënë foltoren e Kuvendit.
Nga foltorja Ruçi kërkoi që Basha të ulej. “Ulu, mos bej bodigardin, bëj liderin”, tha Ruçi për Bashën.
Më pas kreu i Kuvendit kërkoi pesë minuta pushim për normalizmin e situatës.
