Reshjet e shiut kanë sjellë rrëshqitje masive të dherave të cilët kanë sjellë probleme serioze në disa akse rrugore.
Rrëshqitja e dherave është bërë shkak për bllokimin e pjesshëm të aksit rrugor Librazhd- Përrenjas. Sikundër raportohet, lëvizja e automjeteve po kryhet me një sens lëvizjeje për shkak se dherat kanë bllokuar një pjesë të konsiderueshme të rrugës.
Shkak i rrëshqitjes ka qenë përkeqësimi i motit.
Shërbimet e policisë kanë shkuar në vendngjarje për të normalizuar qarkullimin e automjeteve ndërsa Emergjencat Civile po punojnë për rikthimin e rrugës në standarte të kalueshme.
