Disniveli ekonomik është jashtzakonisht i madh. Kemi një pakicë të pasur edhe një shumicë të varfër. A keni menduar ndonjëherë se si mund të pasuroheni shpejt?
Sigurisht që kjo është vetëm një shaka, por kur shikon se si një nga personazhet e njohura në Kosovë e ka shpallur veten e tij miliarder, atëherë përse jo gjithkush prej nesh mund ta bëjë diçka të tillë.
Kryetari i Partisë së Fortë, Visar Arifaj, zyrtarisht është politikani më i pasur në Kosovë. Sipas formularëve të publikuar nga Agjencia Kundër Korrupsion, Arifaj ka pasuri prej mbi një miliard euro. Saktësisht: 1,000,189,088.02 euro.
Është piktura e bërë nga vetë ai në vitin 1995, të cilën, siç dihet, e ka prezantuar si punim që ka vlerën prej një miliard euro, dhe e cila e ka bërë liderin më të ri partiak në vend të jetë njëkohësisht edhe më i pasuri.
Banesa e tij e ka vlerën njëqindmijë euro; posedon pesëdhjetë për qind të aksioneve tek kompania “Trembelat” – rreth 180 mijë euro; si dhe i ka 500 euro të depozituara në bankë.
Ndërkaq, të hyra vjetore ai ka nëntëmijë euro nga kompania “Trembelat”, 1200 euro pagë vjetore nga Kuvendi komunal, si dhe 1344 euro pension vjetor.
