Duke prezantuar Strategjinë për Ballkanin nga Strasburgu sot, Komisioneri për Zgjerimin Johannes Hahn ka vlerësuar mjaft Kosovën për përpjekjet që po bën për integrimin në BE.
“Kushdo në rajon, – tha hahn, – ka interes që të bashkëpunojë me njeri- tjetrin, të mbështesë njeri- tjetrin për të punuar për perspektivën europiane. Qëllimi është integrimi i Ballkanit në BE ashtu sikurse foli më parë edhe zonja Mogherini edhe unë dua të theksoj ato që ajo tha.
Kërkohet ambicje për ato që ne kemi kërkuar, për kushtet tona. Dua ta shfrytëzojmë këtë moment për zgjerimin e BE. Janë mesazhet e qarta në këtë stretaegji që: anëtarët e BE në asnjë mënyrë nuk do ta pranojnë një anëtar të ri nëse nuk do ketë përputhje me standartet tona.
Këtu mund të përmendim Kosovën që po përpiqet shumë në rrugën e saj drejt BE-së. Ka dhënë rezultate pozitive dhe rruga që do të gjejë, do të sjellë rezultate pozitive dhe do të ketë zgjidhje për Kosovën dhe Serbinë.
Ky është në fakt një presion pozitiv në rajon në mënyrë që të ecin në mënyrë sa më të sigurtë drejt drejt BE.
Ky presion në fakt do të ndihmojë. Qëllimi është që të kemi rezultate pozitive, qëndrueshmëri dhe ekonomia është një element shumë i rëndësishëm potencial në mënyrë që të kemi progres. Kemi vendosur që t’i mbështesim partnerët tanë duke krijuar disa inisitiva të rëndësishme për progresin si sundimi i ligjit, zhvillimi ekonomik, pajtueshmëria për marrëdhënie të mira me njera tjetrën….Të gjitha këto janë tepër të rëndësishme dhe duhet të ndërmeren në vitin 2018.
Kjo është një inisiativë jo për më shumë para, por për ato ekzistuese, shfrytëzimin më të mirë të këtyre parave në dobi të Ballkanit perëndimor.
Kjo duhet të ndihmojë sigurisht në zhvillimin e sektorit ekonomik. Kemi shumë punë para për të bërë. Ky është një moment pozitiv që mundëson propozim dhe motivimin që të gjithë ne duhet ta kemi. Të kemi besim dhe të jemi të motivuar pozitivisht pasi dëshira jonë është integrimi i Ballkanit perëndimor në BE.”
