Dy persona të armatosur grabitën një biznes në zonën e Patokut në Kurbin.
Policia thotë se grabitësit ishin të maskuar dhe me armë, ndërsa grabitja ndodhi në mesnatë në një lokal në Lagunën e Patokut. Pronari ka qenë duke mbyllur lokalin, kur maskat i kanë vënë armën në kokë, duke i marrë 5 milionë lekë të vjetra. Kjo ishte shuma që gjendej në lokal. Sipas dëshmisë së tij, pasi morën paratë, autorët, të cilët ai nuk mundi t’i identifikojë, u larguan me makinë.
Ndërkohë, edhe në Pogradec, u arrestua një 15-vjeçar pasi vodhi një shumë parash në një lokal.
Ervin S.,15 vjeç, më 14 shkurt dyshohet se ka vjedhur 10.000 lekë, në lokalin e E.T, 30 vjeç. Gjithashtu Ervin.S., dyshohet të jetë autor i vjedhjes së banesës së N.I, 60 vjeç, ngjarje e ndodhur më 12 shkurt në lagjen numër 4 në Pogradec.
