Ish-ministri i Drejtësisë, Ylli Manjani, përmes një komenti në rrjetet sociale e ka cilësuar si lajm të mirë kapjen e drogës, por shkruan se çështja është me atë që nuk kapet.
“Që u kap drogë është lajm i mirë,ska dyshim për këtë! Çështja është me atë që nuk kapet. Kur droga që kapet është kaq e madhe, mendoni sa është ajo që nuk kapet?!
Kur të fillojë “larja e hesapeve” do të marrim vesh dhe pronarët e drogës së sotme. Ato që policia nuk i kap dot sot”, shkruan Manjani.
Reagimi i Manjanit erdhi pas kapjes së 613 kg kokainë në një kamion që transportonte banane. Nga hetimet e para rezultoi se sasia e drogës, më e madhja e kapur në territorin shqiptar, kishte destinacion Italinë.
