Ish-presidenti i Francës Nicolas Sarkozy ndalohet nga policia. Ai është marrë në pyetje lidhur me financimet në fushatën elektorale të vitit 2007.
Mediat ndërkombëtare theksojnë se gjykata po heton mbi financimet e dyshuara libiane në fushatën elektorale të Sarkozy.
Në një intervistë të regjistruar në vitin 2011, udhëheqësi i Libisë Muamar Gadafi u shpreh ndër të tjera se “Unë jam ai që e bëri atë president”, referuar Presidentit francez.
Deklaratat e Gadafit erdhën pak ditë para goditjeve të para perëndimore që çuan në rrëzimin dhe vrasjen në 2011.
