Për protestën e dhunshme në Kalimash la reaguar dhe Ambasadori i Britanisë së Madhe në Shqipëri, Duncan Norman.
Me anë të një postimi në rrjetin social Twitter ai shprehet se dhuna nuk është përgjigjje.
“Të trishtuar nga plagët e shkaktuara në incidentin e djeshëm në autostradën e Kukësit. Dhuna nuk është përgjigjja”, shkruan ambasadori në Twitter.
Nga përplasja dje në Rrugën e Kombit u plagosën 13 efektivë police dhe disa qytetarë, ndërsa 23 protestues janë arrestuar nga policia të akuzuar për dhunë.
