Një aksident i rëndë ka ndodhur mesditën e sotme në Itali, ku një i ri shqiptar që po udhëtonte me motor është rrëzuar dhe ka mbetur i bllokuar në hekurat e rrethimit të rrugës.
Ngjarja ka ndodhur në Livorno, rreth orës 11:20 minuta të mesditës.
Bëhet fjalë për një të ri shqiptar 29 vjeç, emri i të cilit nuk është bërë i ditur.
Sipas policisë, ai ka qenë duke udhëtuar me motor kur ka humbur kontrollin e mjetit, duke u përplasur në asfalt.
Si pasojë ai kishte mbetur për shumë minuta i ‘mbërthyet’ në hekurat anës rrugës. Kur është nxjerrë nga aty ka qenë në gjendje të rëndë.
Ka marrë dëmtime në të gjithë trupin dhe ka një plagë të rëndë në pjesën e belit, ben te ditur.
Policia që ka nisur hetimet, ka mbyllur për disa orë edhe rrugën.
