Një aksident i rëndë ka ndodhur në fshatin Lusen në Kukës.
Sipas informacioneve të policisë dyshohet se shtetasi i mitur rreth 14 vjeç me iniciale I.L i është ngjitur nga pas një automjeti në lëvizje, ku për pasojë është rrëzuar në tortuar, dhe ka marrë dëmtime në kokë.
I dëmtuari u dërgua për mjekim më të specializuar në spitalin e Tiranës.
Policia po punon për identifikimin e mjetit dhe dokumentimin e plotë të ngjarjes.
Ngjarja ka ndodhur rreth orës 14:00 të ditës së sotme.
