Disa ditë më parë gazeta e njohur gjermane i ka kushtuar një artikull Tiranës dhe nuk janë lënë pa përmendur edhe kryeministrin Edi Rama dhe kreun e Bashkisë Erion Veliajn.
Një nga pikat e nxehta që përmenden në këtë artikull është se çështja e Teatrit Kombëtar. Media gjermane thekson se ndërtesa e re e Teatrit Kombëtar e transformon zonën me mjedise zyrash e shopping-u.
“Puna e Ramës për transformimin e qytetit po vijon fuqishëm nga pasardhësi i tij si kryetar i Bashkisë së Tiranës, Erion Veliaj. Kujdes kur takon Veliajn, me “këshillojnë” ata që e njohin, përndryshe do të të vërë të mbjellësh ndonjë pemë, e ka me shumë qejf atë projekt. Kur mbërrita, zbulova se pemët e asaj dite i kish mbjellë që në mëngjes. Veliaj, 38 vjeçar, i veshur me një jelek prej djaloshi, brof në këmbë në zyrën e tij 100 m2, të mbushur me suvenire, dhuratë nga delegacionet, dhe modele dizajni arkitekture. Ngjan si kënd lodrash, ku vijnë me kërshëri fëmijët. Një ditë më parë, Veliaj, së bashku me Kryeministrin, prezantuan planin për një Teatër të ri Kombëtar në qendër të qytetit. Ylli danez i arkitekturës Bjarke Ingels ka projektuar ndërtesën në disa etapa, që e transformojnë zonën me mjedise zyrash e shopping-u.”, shkruan “Die Welt.
Si del blof Erion Veliaj
Pak ditë më parë në “Opinion” Erion Veliaj ka deklaruar se do të ndërtohet vetëm tetatër dhe asnjë tjetër në kjo godinë. Madje sipas tij nuk do ketë as kullë se nuk duan aktorët.
” Ne të gjithë e dimë që teatrot janë të subvecionuar. Tani po i the aktorëve e duam edhe me kinema, nuk e duan. Do jetë teatër, vetëm për teatër, jo kinema, jo për teatrin e opreas dhe baletit, jo për koncerte të tjera. Do jetë teatër për teatër dhe kjo ka qenë kërkesa e aktorëve që po respektohet. Do jetë vetëm teatër dhe pa kullë sipër.”, u shpreh Veliaj./Hashtag.al
