Partia Demokratike është e bindur se Edi Rama vazhdon të mbrojë Saimir Tahirin dhe dorëzimi i mandatit të deputetit nga ky i fundit është thjeshtë pjesë e marrëveshjes mes tyre.
Në një deklaratë për mediat nga selia blu, nënkryetari i PD-së Edi Paloka sulmoi Ramës duke thënë se ky i fundit po tenton që të mashtrojë shqiptarët me rastin e dorëheqjes së Saimir Tahirit nga mandati i deputetit.
‘Çfarë ka ndodhur pas 6 muajsh pasi prokuroria kërkoi arrestimin e Tahirit?! Ai bredh i lirë. Arrestimi nuk u lejua nga Rama, i cili urdhëroi grupin e tij parlamentar të bllokonte drejtësinë’, u shpreh Paloka gjatë deklaratës për mediat.
Mes të tjerash nënkryetari i PD-së tha se kapja e Orest Sotës me 800 mijë euro në makinë, bëri Tahirin që mos të fliste më.
“Akti i Tahirit nuk ishte një akt i pavarur. Rama kërkon të mashtrojë ndërkombëtarët. Tahiri i akuzuar nga PD ka mohuar pronësinë e skafit dhe sot vijon të lëviz i lirë.
Por vetëm pasi Orest Sota u kap me 800 mijë euro në makinë, e beri Tahirin të heshtë.
Kapja e Sotës i vuri vulën çështjes “Tahiri”. Qëllimi i vetëm i Ramës është mbrojtja e Tahirit dhe e vetes”, pohoi deputeti i PD-së
