Ylli Manjani, ish-ministër i Drejtësisë, ka reaguar lidhur me deklaratën e ministres së Drejtësisë, Etilda Gjonaj, e cila sulmoi Këshillin e Lartë të Drejtësisë, se nuk shkarkoi 4 gjyqtarë.
Manjani theksoi se pas mbledhjes së KLD nuk kanë të drejtë në ligjërimet e tyre publike jo vetëm ministrja e Drejtësisë, por as Presidenti i Republikës.
“KLD tashmë nuk ka asnjë ligj që ta mbajë në këmbë. Asnjë ligj nuk i jep të drejtë KLD së krijuar me Kushtetutën e vjetër, të marrë vendime sipas Kushtetutës së re (pas ndryshimeve)! Asnjë!
Për më tepër, edhe ligji i ri Për Statusin e Gjykatësve, është shfuqizuar nga Gjykata Kushtetuese ( tashmë ndjesë pastë)!
Nenet tranzitore të ligjeve të reja kanë rënë nga fuqia!
Ministri i Drejtësisë nuk bën më as inspektime e as propozimet për masa disiplinore! Ska asnjë ligj më në fuqi që ta autorizojë këtë gjë.
Ndaj KLD që ka ngelë as emëron e as shkarkon dot asnjë gjykatës. Pavarësisht se gjyqtarët mund të jenë vërtetë për shkarkim, prap nuk ka ligj që të legjitimojë KLD ta bëjë!”, shkruan Manjani
Komenti i Ylli Manjanit
Teatri me KLD…
————-
Megjithë respektin, por as Presidenti i Republikës e aq më pak Ministrja e Drejtësisë nuk kanë të drejtë në ligjërimet e tyre publike, pas mbledhjes së KLD.
KLD tashmë nuk ka asnjë ligj që ta mbajë në këmbë. Asnjë ligj nuk i jep të drejtë KLD së krijuar me Kushtetutën e vjetër, të marrë vendime sipas Kushtetutës së re (pas ndryshimeve)! Asnjë!
Për më tepër, edhe ligji i ri Për Statusin e Gjykatësve, është shfuqizuar nga Gjykata Kushtetuese ( tashmë ndjesë pastë)!
Nenet tranzitore të ligjeve të reja kanë rënë nga fuqia!
Ministri i Drejtësisë nuk bën më as inspektime e as propozimet për masa disiplinore! Ska asnjë ligj më në fuqi që ta autorizojë këtë gjë.
Ndaj KLD që ka ngelë as emëron e as shkarkon dot asnjë gjykatës. Pavarësisht se gjyqtarët mund të jenë vërtetë për shkarkim, prap nuk ka ligj që të legjitimojë KLD ta bëjë!
Shkarkimi i gjykatësve pa ligj është aq anti-kushtetues!
Se bie fjala, nëse duhet shkarkuar një gjykatës për një vendim mase sigurie për një që kërkohej për ekstradim, pse të mos shkarkohet vetë Ministrja për një ekstradim haptazi të paligjshëm?!
Ndaj them se deklaratat e Ministres dhe Presidentit janë kot! Krejt pa lidhje dhe që nuk i justifikon asnjë ligj në fuqi!
E vetmja rrugë mbetet, rregullimi i ligjeve Tranzitore. Tja kërkojnë Parlamentit zgjidhjen e problemin dhe jo KLD që tashmë ska asnjë fuqi as formale e as substanciale!
Teatri me KLD është i papranueshëm! Nuk mund të “lahen duart” me amanetin e Marigosë, që ti hedhin dhe ata që nuk i hodhën baltë….
