Ilir Meta ka njoftuar sot se ka pasur një takim të përzemërt me ish-Presidenten, Atifete Jahjaga. “Fuqizimi i rolit të gruas në të gjitha fushat e jetës, mbetet një sfidë që meriton më shumë angazhim dhe vëmendje nga të gjithë,” ka theksuar Meta në shënimin e tij në Fb lidhur me takimin.
Nga ana tjetër, edhe ish-Presidentja e Kosovës e ka vlerësuar mjaft takimin me Metën.
“Sot pata një takim shumë të mirë me Presidentin Ilir Meta, ku biseduam mbi sfidat me të cilat ballafaqohen shoqëritë tona dhe praktikat më të mira për një zhvillim të qëndrueshëm shoqëror,” tregon Jahjaga në rrjetet sociale
