Moderatori Alban Dudushi është një prej personazheve më të njohur të ekranit shqiptar. Natën e sotme ai u vu përballë fëmijëve ‘Në kurthin e Piter Pan’, ku i është përgjigjur me sportivitet të gjitha pyetjeve të fëmijëve.
Njëri prej vogëlushëve e pyeti moderatorin se përse ai u nda nga gruaja e tij e parë. Albani nuk ngurroi dhe ju përgjigj djaloshit, duke i shpjeguar se ç’ndodh mes të rriturve.
“Dy njerëz mërziten me njëri-tjetrin dhe vendosin të ndahen, por nuk është fundi i botës. E rëndësishme është të ruash dhe të kujtosh gjërat e bukura. Ne kemi bashkë dhe një vajzë shumë të bukur.” – tregoi moderatori.
