Të shumtë janë rekordet dhe të shumta janë dhe shanset që ato të thyhen në këtë Botëror.
Gjermania është një nga ekipet e cila ka paraqitje shumë të mira në këtë kompeticion.
Ekipi i Low ka që nga gjysmëfinalja e Botërorit 2010 pa pësuar humbje, pra 8 ndeshje dhe është në ndjekje të rekordit të Brazilit në periudhën e 1954-1966 me 13 ndeshje pa humbje.
Gjithashtu Thomas Muller kërkon që të kalojë rekordin e vendosur nga Miroslav Klose me 16 gola gjithsej në Botëror.
Me 5 gola në këtë Botëror, Muller do të barazonte Ronaldon (Fenomenin) dhe do të ishte 1 më pak se Klose.
Një tjetër rekord është dhe ai i vendosur nga Maradona që ka 6 finalizime si kapiten i Argjentinës dhe ky rekord rrezikohet nga kapiteni aktual i ekipit latin, Lionel Messi, të cilit i duhen edhe 3 gola.
Duke qëndruar te mosha, futbollisti më i vjetër në këtë edicion të Kupës së Botës do të jetë portieri i Esam El Hadari. Nëse ai do të aktivizohet në këtë eveniment do të jetë portieri me moshën më të madhe që do të luajë 45 vjeç e 5 muaj duke thyer rekordin e Mondragon që luajti në Kupën e Botës në moshën 43-vjeçare.
