Tërmeti që goditi sot Shqipërinë e Mesme ka shkaktuar jo vetëm panik te qytetarët, por ka sjellë pasoja të rrezikshme në disa ndërtesa. Lëkundjet e tërmetit kanë qenë aq të fuqishme sa kanë sjellë dëmtime edhe në disa prej godinave historike të Tiranës që janë shpallur monument kulture.
Një prej tyre është edhe godina e Ministrisë së Bujqësisë. Siç shihet nga kjo foto e siguruar nga Gjurma.al godina e Ministrisë së Bujqësisë është ndarë në dy pjesë, pasi faqja kryesore e murit ballor ka marrë një çarje tejpërtej.
