Pak ditë më parë bilbili i muzikës Nexhimje Pagarusha u shtrua me urgjencë në spital, për shkak të një problem shëndetësor që kishte shfaqur.
Mirëpo tani gjendja e saj paraqitet më e qëndrueshme dhe Pagarusha po qëndron nën kujdesin e mjekëve në shtëpinë e saj. Ka qenë kryeministri i Kososvës Ramush Haradinaj ai që ka ndarë dy foto te saj, pas vizitës që i kishte bërë së bashku me bashkëshorten e tij Anita.
Haradinaj shkruan:
Janë disa njerëz që çdo gjëje i japin shkëlqim dhe jetën e bëjnë më të bukur. E tillë është ikona e këngës shqipe, Nexhmije Pagarusha.
Bashkë me Anitën, e vizituam sot në shtëpinë e saj tek po merr trajtim mjekësor pas një lëndimi dhe i uruam shërim të shpejtë.
Bylbyli i muzikës shqiptare ishte gjithmonë shembull i forcës njerëzore përballë sfidave dhe ajo do t’ia dalë edhe kësaj herë, me sukses.
E paçim dhe gjatë me shëndet!
