Cristiano Ronaldo është transferimi i shekullit te Juventusi. Ylli portugez vendosi që të mbyllte aventurën 9-vjeçare te Reali për të provuar që të luajë për herë të parë në Seria A.
CR7 ka rreth 315 milionë ndjekës në Instagram, ndërkohë që së fundmi ai ka bërë një lidhje “live” nga shtëpia në Madrid, nga ku do të niset edhe në Torino për të bërë prezantimin të hënën me bardhezinjtë.
Të shumtë kanë qenë edhe shqiptarët që i kanë uruar mirëseardhjen në Itali, ndërkohë që në një moment ai përshëndet një tifoz nga Tirana. /Koha Jonë
