Më se 24 orë nga krimi i rëndë, i vrasjes së dyfishtë dje në Shkodër, ende Policia nuk ka një emër të mundshëm, autori të dyshuar. Ndërkohë mësohet e janë rreth 30 persona të shoqëruar, që mund të kenë dijeni për këtë ngjarje.
Burime nga Policia Vendore, bëjë të ditur se për shkak të errësirës, mbetet i vështirë identifikimi i autorit, megjithëse ka qenë pa maskë. Nga ana e grupit hetimor, po analizohen pamjet e kamerave të zonës përreth.
Një tjetër detaj mësohet për ngjarjen e djeshme. Krimi ka ndodhur pak pas mesnatës midis të dielës dhe të hënës, dhe fëmija i vogël, ka qëndruar rreth 5 orë në makinë, me prindërit e masakruar.
