Busti i ish-kryetarit të Kuvendit, Pjetër Arbnori është vendosur para sallës së seancave plenare. Por ish-minstri i Drejtësisë, Ylli Manjani shkruan se ky bust është sakatim i imazhit të të ndjerit.
Në një psotim në facebook, Manjani shton se: ”Ky është përçudnimi i dytë, që Edi Rama bën në të njëjtin oborr. I pari ishte me përmendoren e Nolit, që e ngulën para Akademisë së Shkencave, por që ngjan si Bodybuilding e jo si Prift e udhëheqës shteti”.
Manjani thekson se të titllë hyerje vetëm Edi Rama mund ta bëjë. ”Nejse, të paktën Pjetrin e kanë ngjitur me një libër. Sipas të njëjtës logjikë, bustet e udhëheqësve të sotëm do jenë të fshehur në Hashash e Kulla”.
Postimi i plotë
Çfarë busti?!
E kanë shëmtuar figurën e Pjetër Arbnorit sa më ska!
Vihen buste personash publikë e politikë në çdo parlament të botës, por përmendoret ruajnë besnikërisht tiparet reale të personit.
Kjo përmendore e ka sakatuar imazhin e Pjetrit. Duket sikur e kanë ngritur Lugat dhe e kanë vënë aty për të qarë hallet e tyre!
Ky është përçudnimi i dytë, që Edi Rama bën në të njëjtin oborr. I pari ishte me përmendoren e Nolit, që e ngulën para Akademisë së Shkencave, por që ngjan si Bodybuilding e jo si Prift e udhëheqës shteti!
Kjo e Pjetrit është fyerja e dytë, që vetëm Ed Rama mund ti bëjë historisë.
Nejse, të paktën Pjetrin e kanë ngjitur me një libër. Sipas të njëjtës logjikë, bustet e udhëheqësve të sotëm do jenë të fshehur në Hashash e Kulla…
Shumë turp!
