Një aksident i rëndë ka ndodhur sot në mëngjes në Elbasan.
Një makinë ka dalë nga rruga në afërsi të fshatit Lolaj, në rrugën Elbasan- Peqin.
Makina tip ‘Suzuki’ me targa AA 830 BK, me drejtues 26-vjeçarin me inicialet E. F., banues në fshatin Pekisht të Peqinit ka dalë nga rruga dhe është aksidentuar.
Për pasojë është dëmtuar drejtuesi i mjetit, i cili u transportua në spitalin rajonal të Elbasan.
I riu mësohet se është në gjendje të rëndë shëndetësore.
Policia ka mbërritur në vendin e ngjarjes dhe po punon për zbardhjen e shkakut të aksidentit.
