Pasi në rrjetet e tyre sociale kishin fshirë çdo foto bashkë, qarkulloi lajmi se çifti i fejuar vitin e shkuar është ndarë në heshtje.
Fjala është për Seldi Qalliun dhe Mimoza Shkodrën, të cilët sikur të mos mjaftonte që nuk kanë postuar asnjë foto nga pushimet e tyre, tashmë i kanë fshirë edhe ato që kishin bashkë.
A është kjo një shenjë e qartë ndarjeje? Këtë nuk mund ta themi me siguri pasi asnjëri prej tyre nuk është prononcuar rreth krisjes në marrëdhënien e tyre.
Megjithatë, Seldi ka postuar një foto në “Instagram” që ndoshta thotë më shumë se fjalët.
Këngëtari ka postuar foton i veshur me të zeza, me një vështrim të pikëlluar dhe gati në të qarë. Mos është ky një mesazh për Mimozën?!
