Presidenti Ilir Meta është takuar sot me një grup studentësh nga Universiteti i Gjilanit në Kosovë. Kreu i shtetit shqiptar shprehet se rinia e dy shteteve duhet të jetë promotore dhe intergruese e dy shteteve.
“Takimet me të rinjtë shqiptarë nga Kosova janë përherë të ngrohta dhe emocionuese. Shumë i lumtur të bashkëbisedoja sot me studentët ekselentë të Universitetit Publik të Gjilanit, që mban emrin e poetit, prozatorit dhe veprimtarit të paepur për lirinë e pavarësinë e Kosovës, heroit Kadri Zeka. Ndamë bindjen se rinia duhet të jetë promotore e proceseve demokratike dhe integruese në të dy vendet tona”,- shkruan Presidenti Meta në mesazhin e tij.
