Reshjet e dëborës do të zënë vendin e shirave nga dita e nesërme në veri të vendit.
IGJEUM njoftoi se pasdite dhe nesër, e mërkurë, priten reshje të dobëta në shumicën e qarqeve. Në qarqet Lezhë, Durrës dhe Vlorë priten reshje mesatare e në zona të kufizuara reshjet do të shoqërohen edhe me shtrëngata. Por, priten reshje në formë dëbore në veri dhe në veri-lindje mbi 800 m.
Nesër (e mërkurë, dt.28) temperaturat minimale dhe maksimale të ajrit pritet të arrijnë:
në bregdet: 10 / 14 °C
në vendet e ulëta: 9 / 14 °C
në vendet malore: 4 / 8 °C
Sot pasdite (e martë, dt.27) era pritet të fryjë e lehtë deri mesatare në bregdet, ndërsa nesër (e mërkurë, dt.28) era pritet të fryjë mesatare deri e fortë në veri të vendit.
