Tjetër sportiste me origjinë shqiptare, tjetër titull.
Bokserja, Alma Juniku është shpallur kampione e botës, në WBC MuayThai për peshat deri në 54 kilogram. 18 vjeçarja e cila përfaqëson Australinë në boks, mposhti në finale kundërshtaren nga Tajlanda, Zaza Sor Aree, pas 5 raundeve.
Lajmi u bë i ditur në faqen zyrtare në Facebook të WBC MuayThai, ku ata e përgëzuan Australinë për këtë fitore.
“Në emër të Kryetarit WBC MuayThai, Pol. Gjenerali Kovid Bhakdibhumi, Presidenti i WBC Mauricio Sulaiman dhe i gjithë ekipi në WBC ne do të dëshironim të përgëzonim zonjën Juniku për natën e saj të mahnitshme të suksesit global”, shkruhet në postimin e WBC MuayThai në Facebook.
Juniku nuk është e para sportiste shqiptare që përfaqëson një tjetër flamur, duke shtuar numrin e sportistëve kuqezi që shkruajnë emrin me ngjyrat e një tjetër kombi.
