Besimtarët ortodoksë në të gjithë botën kremtojnë sot Lindjen e Krishtit. Për ortodoksët kjo ditë është simbol i paqes, dashurisë dhe harmonisë mes besimtarëve. Në Katedralen ”Ngjallja e Krishtit” në Tiranë po zhvillohet mesha për besimtarët, dhe po drejtohet nga kryepeshkopi Anastas Janullatos.
Në mesnatë ishin besimtarët katolikë që kremtuan Krishtlindjet në një meshë të zhvilluar në Katedralen e Shën Palit.
Dita e Krishtlindjeve në Shqipëri festohet jo vetëm nga besimtarët e krishterë. Shumë shqiptarë festojnë Krishtlindjet si një ditë që sjell më shumë paqe, tolerancë dhe harmoni.
