Deputetja e LSI-së, Floida Kërpaçi ka reaguar me anë të një postimi në Facebook në lidhje me takimin e organizuar ditën e sotme nga gjimnazistët e LRI. Kërpaçi shprehet se situata alarmante ku gjimnazistë, studentë e të rinj nuk duan të qëndrojnë në vendin tonë na mblodhi sot në këtë bashkëbisedim me gjimnazistët për problemet dhe sfidat e tyre!
“Të rinjtë kanë nevojë për një rezolutë me kërkesa të qarta për reformimin e sistemit arsimor! “- shkruan Kërpaçi.
Gjithashtu deputetja e LSI-së bën thirrje për çdo të ri të bëhen bashkë në protestën e 7 janarit.
Postimi i plotë:
Situata alarmante ku gjimnazistë, studentë e të rinj nuk duan të qëndrojnë në vendin tonë na mblodhi sot në këtë bashkëbisedim me gjimnazistët për problemet dhe sfidat e tyre!
Në kushtet ku nuk ka cilësi në arsim, nuk ka shanse për punësim, nuk ka siguri për jetën e të ardhmen, 79% e të rinjve duan të largohen nga Shqipëria sepse nuk kanë shpresë për të jetuar në vendin tonë.
Të rinjtë kanë nevojë për një rezolutë me kërkesa të qarta për reformimin e sistemit arsimor!
Ku të kemi një sistem arsimor që i përgjigjet nevojave të rinisë dhe tregut të punëve të së ardhmes dhe jo interesave klienteliste të kryeministrit.
Presionet nga drejtoreshat, si me rastin e drejtoreshës së Sami Frashërit, do të denoncohen dhe ndiqen pa asnjë hezitim nga LSI!
7 janari duhet ti gjejë të gjithë të rinjtë bashkë për ta bërë Shqipërinë, shtëpinë tonë!
Bashkimi i gjimnazistëve dhe studentëve do të jetë fitorja e Shqipërisë!
