Prindërit e Gazmend Mustës autorit të ngjarjes tragjike më 2 Janar, janë shprehur se plotësojnë të gjitha kriteret për të marrë kujdestarinë dhe se kanë besim tek drejtësia për t’ua rikthyer fëmijët.
Bedri Musta dhe Lumturi Musta, prindërit e autorit të vrasjes së bashkëshortes dhe kunatës, i janë drejtuar me një kërkesë Gjykatës së Fierit, ku kërkojnë kujdestarinë e fëmijëve.
Të njëjtën kërkesë ka bërë edhe daja i fëmijëve, Gjyshmir Çaushaj.
Aktualisht, dy fëmijët e mitur përkatësisht 10 vjeç dhe 3 vjeç, ndodhet në fshatin SOS në Tiranë.
Krimi i rëndë ndodhi më datë 2 janar të këtij viti pas një grindje mes çiftit, ku mbetën të vdekura shtetas Gentjana Çaushaj, 31 vjeçare, si dhe motra e saj Merisa, 18 vjeçe.
