Zbulohet fotoja e Esat Canit, personit të akuzuar për vrasjen e 34-vjeçarit Arben Gjeci në fshatin Bastar i Mesëm; Gjeci, babai i tre fëmijëve, shofer i furgonit të linjës me Tiranës, ishte goditur me hekur dhe vdiq në Spitalin e Traumës.
Esat Cani akuzohet se e kreu vrasjen pasi zbuloi lidhjen e motrës së tij të martuar, 20 vjeçe, me viktimën. Në vrasje bashkëpunoi dhe burri i 20-vjeçares, Dajet Kurti.
Cani dhe Kurti e kanë ruajtur Gjecin tek takohej me 20-vjeçaren tek një kasolle pranë shtëpisë dhe aty e kanë goditur në kokë. Pastaj e kanë tërhequr trupin jashtë.
Ngjarja fillimisht u duk si aksidentale, por informacionet e marra nga hetuesit zbuluan një histori dashuri, dy tradhti bashkëshortore në mes dhe një “vrasje për nder’.
Të arrestuarit janë:
Esat Cani,31 vjeç, i akuzuar për veprën penale: “Plagosje e rëndë me dashje me pasojë vdekjen”
Dajet Kurti, 29 vjeç, i akuzuar për veprat penale: “Veprime që pengojnë zbulimin e së vërtetës” dhe “Prodhim dhe shitje të lëndëve narkotike”
E.Cani, 20 vjeçe, e akuzuar për veprën penale: “Veprime që pengojnë zbulimin e së vërtetës”
