Kreu i Vetëvendosjes Albin Kurti ka qenë sot në Fakultetin e Shkencave Sociale, për të përkrahur studentët, që tashmë janë në protestë prej disa muajsh.
Në një prononcim për mediat pas takimit, Kurti u shpreh edhe për zgjedhjen e Gent Cakajt në krye të Ministrisë së Jashtme shqiptare, duke thënë se në të dy anët e kufirit mund të ishin gjetur njerëz më me përvojë dhe eksperiencë se ai.
“Në vendin e Gent Cakaj mund të kishte pasur persona të tjerë. Edhe në Republikën e Shqipërisë edhe në Republiken e Kosovës ka njerëz më të ditur më të përgatitur dhe më patriot sesa ai”, tha Kurti.
Ndërkohë që ai komentoi dhe darkën e mbrëmshme të zhvilluar mes Haradinajt dhe Thaçit, nën kujdesin e Edi Ramës, ku tha se nuk mendon se zgjidhja e problemeve mund të vijë nga takime të tilla informale.
Kurti u shpreh më tej se Kosova mund të shkojë në zgjedhje të parakohshme, dhe qeveria e fryrë Haradinaj duhet të shkoj në shtëpi.
‘’Taksa e mallrave e vendosur ndaj Serbisë nuk ka qenë e mirëmenduar, por tashmë nuk duhet të hiqet. Në vitin 2006 bëmë fushatë kundër produkteve serve.
Ne angazhohemi për reciprocitet me Serbinë, por Serbia nuk e bën një gjë të tillë, ndaj taksa të mbetet aq më tepër që ne nuk eksportojmë asgjë në Serbi”, tha Kurti.
