Gjëtë vizitës në SHBA Presidenti i Republikës Ilir Meta zhvilloi edhe një takim me Kongresistin dhe Kryetarin e Komisionit për Politikën e Jashtme të Kongresit Amerikan Eliot Engel.
Këtë takim e komentuar me një shenim në facebook kreu i Shtetit Shqiptar. “Një takim i ngrohtë në Kongresin Amerikan me mikun e të gjithë shqiptarëve”, shkruan Meta në faqen e tij në rrjetet sociale.
“E falënderova për rolin e tij të pazëvendesueshëm, jo vetëm në forcimin e marrëdhënieve shqiptaro-amerikane, por veçanërisht për angazhimin e tij të pakursyer për çështjen shqiptare në momentet më të vështira historike për kombin, çlirimin e pavarësinë e Kosovës dhe anëtarësimin e Shqipërisë në NATO”, shkruan Meta.
Ja postimi i plotë i tij:
Një takim i ngrohtë në Kongresin Amerikan me mikun e të gjithë shqiptarëve, Eliot Engel, Kryetarin e Komisionit për Politikën e Jashtme. E falënderova për rolin e tij të pazëvendesueshëm, jo vetëm në forcimin e marrëdhënieve shqiptaro-amerikane, por veçanërisht për angazhimin e tij të pakursyer për çështjen shqiptare në momentet më të vështira historike për kombin, çlirimin e pavarësinë e Kosovës dhe anëtarësimin e Shqipërisë në NATO. Me fat që kemi në Kongres një personalitet të tillë me memorie të fortë historike, por edhe vizion gjithmonë të kthjellët për të ardhmen e rajonit tonë.
