Elisa Spiropali dhe Silva Caka janë përplasur në një debat të ashpër dje gjatë seancës parlamentare. Mes tyre nuk munguan etiketimet me fjalë fyese.
Ishte Caka që iu drejtua me fjalët se si do të reagonte nëse ngjarja do t’i ndodhte vajzës së saj.
Kaq mjaftoi që Spiropali të shpërthejë në fjalë fyese.
“Ej, mos më bëj politikë me fëmijët. Vajzën time nuk guxon ta përmendësh këtu, llaxore. Mbylle moj gojën, më përmend vajzën ti mua këtu, qelbësirë”, deklaroi ministrja.
Deputetja e LSI iu përgjigj: Më jep fjalën zonja Hysi, kam kërkuar fjalën, mos u bëni selektive. Elisë e dashur, nuk është se intimidohem shumë. E para nuk e ndjej veten për llaxore, dhe së dyti e vlerësoj shumë nga kush më vjen kritika. Një kritike e ardhur nga ti nuk më bën fare përshtypje.
