Avokat Spartak Ngjela, edhe pse njeri i kryeministrit Edi Rama, debaton edhe me anëtarë të mazhorancës.
Rasti më i fundit ishte sot në emisionin “Open”, ku Ngjela është përplasur me ministrin për Pushtetin Vendor.
Ngjela e ka akuzuar Shalsin si zhurmues, dhe për këtë akuzë ka përmendur vetë kreun e qeverisë.
“Unë largohem pasi nuk kam ardhur këtu për miting. Ty të ka dërguar Rama për të na dëbuar neve”, ”, u shpreh Ngjela.
“Rama ma ka thënë vetë që ty të përdor për zhurmues nëpër studio televizive”, shtoi ai.
Eduart Shalsi është një prej njerëzve më të afërt të kryeministrit Rama. Gjatë kohës kur ky i fundit drejtonte bashkinë e Tiranës, Shalsi ishte zv/kryetar.
