Gjatë gjithë natës ka patur reshje bore në juglindje të vendit, ndërkohë që Autoriteti Rrugor njofton se kompanitë e mirëmbajtjes kanë qenë në punë me mjetet borëpastruese dhe është bërë shpërndarja e kripës.
Gjithsesi, ARRSH thotë se rekomandohet përdorimi i zinxhirëve në rrugët Korçë-Ersekë, Qafë Bigell-Dogana Goricë, rruga e Dardhës dhe e Voskopojës.
“Drejtuesit e mjeteve të tregohen të kujdesshëm, të jenë të pajisur me goma dimërore dhe të përdorin zinxhir në rrugët që kemi lajmëruara, të respektojnë sinjalistikën rrugore dhe udhëzimet e Policisë Rrugore”, thuhet në njoftimin e këtij institucioni.
