Autorët dyshohet se e kanë njohur mirë zonën dhe se janë vrasës me pagesë.
Detaje të reja kanë dalë në lidhe me vrasjen e ish-policit Arben Bilali.
Pas gjetjes së makinës, me anë të së cilës ishte kryer vrasja e Bilali, policia ka zbuluar prova te armët që autorët kanë lënë në makinë. Janë gjetur gjurmë ADN-je dhe të gishtave.
Ndërkohë është duke punuar për të zbuluar identifikimin e tyre.
Personat që qëlluan mbi ish-policin nga makina kanë qenë të maskuar. Dy maskat e tyre dhe armët e krimit, dy automatikë të modifikuar ishin lënë në makinën që policia gjeti të braktisur në një kodër në Mjull Bathore.
Kujtojmë që 50-vjeçari u ekzekutua me armë zjarri pranë shtëpisë në datë 30 janar. Ai sapo zbriti nga një automjet tip “Volkswagen Golf” me targa të huaja dhe po ecte në drejtim të trotuarit, pranë banesës së tij.
