‘Ose të fitojmë, ose të ulim kokën e të kthehemi në skllevër të Edi Ramës.’
Nënkryetari i PD, Edi Paloka u kërkoi protestuesve të shporrin këtë klikë në pushtet, pasi sipas tij ndryshe qytetarët do të kthehen në skllevër të Ramës.
Gjatë fjalës së tij para protestuesve, Paloka e ka quajtur këtë parlament dhe këtë mazhorancë si pjesë e krimit në Shqipëri.
“Ne jemi këtu për tu treguar Edi Ramës e kujtdo tjetër se, sot janë shqiptarët që kërkojnë ndryshim. Jemi këtu sepse nuk kemi për rrugëzgjidhje. Ose të fitojmë, ose të ulim kokën e të kthehemi në skllevër të Edi Ramës. As dhuna dhe as presioni nuk do të na ndalë. Rama ik!”, u shpreh Paloka.
