Efektivja Blerta Dervishi e cila u pezullua nga detyra pasi një ditë më parë kundërshtoi vendimin e Përmbarimit për banesën te “Petro Nini” ku ajo jeton, ka folur së fundmi për mediat.Dervishi është shprehur se dje ka protestuat si qytetare për të mbrojtur fëmijët e saj, për mbrojtur familjen e saj pasi nuk ka ku të shkojë në vend tjetër. Ajo ka theksuar se është shumë e kënaqur nga puna e kolegëve të saj pasi sipas saj ata kanë bërë detyrën e tyre. Dervishi është e divorcuar dhe jeton vetëm me dy fëmijët e saj.
Më është njohur që jam e pezulluar, me motivacionin pengesë për punën Përmbarimore. Kolegët e mi kanë qarë dhe kanë bërë detyrën siç u është caktuar, në mënyrën më të mirë të mundshme. Unë i përgëzoj. Kanë bërë detyrën e tyre si eprorët dhe efektivët e policisë. Ndërsa për rastin tim unë aty kam qenë banore. Jam qytetare e thjeshtë, e lirë për të mbrojtur pronën time, e lirë për të mbrojtur familjen time, e lirë për të mbrojtur fëmijët e mi sepse nuk kam ku të shkoj tjetër”, u shpreh ektivja e policisë.
