“Lironi çunat tanë! Lironi çunat tanë!” Këto janë thirrjet e protestuesve të shumtë që ndodhen në këto momente përpara Drejtorisë së Policisë së Tiranës,
Turp! Turp! Poshtë kriminelët! Policia e leshit! O Ervin droga! – janë thirrjet e tjera që i pasojnë. Ndërkohë, godina e Policisë është rrethuar nga dy radhë policësh. Radha e brendshme është përforcuar me policë me skafandra.
Liderët e opozitës, Monika Kryemadhi dhe deputetë të PD-së, ndodhen në krye të qytetarëve të revoltuar, për të kërkuar lirimin e protestuesve që janë arrestuar.
Kryemadhi, Noka, Bardhi dhe Salianji kanë kërkuar të takohen me drejtuesit e Policisë.
PD-ja ndërkohë po i përcjell këto zhvillime me këtë koment: “Drejt Drejtorisë së Policisë për të liruar qytetarët që janë ngritur kundër Maduros së Ballkanit! Sovrani në Republikën e Shqipërisë është populli shqiptar.”
