22 ditë pas grabitjes së 9 prillit në aeroportin e Rinasit prokurorisë së krimeve të rënda i mbërrin përgjigja zyrtare nga 3 bankat e nivelit të dytë në lidhje me shumën e parave që u morën.
Burimet kanë konfirmuar se janë grabitur rreth 6 milion euro.
Kjo deri më tani është shuma zyrtare në lidhje me grabitjen spektakolare ku mbeti i vdekur Admir Murataj.
Por ndërsa policia thotë se ka shkatërruar grupin kriminal, paratë e grabitura nuk janë gjetur askund. Asnjëri prej të ndaluarve nuk di të thotë se ku janë paratë.
