Barcelona mposhti në mesjavë 3-0 Liverpool-in në ndeshjen e parë gjysmëfinale të Champions League të luajtur në “Camp Nou”, pikërisht me dy gola të shënuar nga Messi, i cili shkëlqeu në këtë takim.
Në një intervistë për “Russia Today”, edhe portugezi Mourinho ka dhënë vlerësimet e tij për 31-vjeçarin e Barcelonës, duke mos u kursyer aspak.
“Pak skuadra arrijnë të mposhtin Barcelonën me mbajtjen e topit, aq më tepër në “Camp Nou”. Liverpooli e bëri këtë. Por në anën tjetër, ishte Lionel Messi, i cili është Zoti i futbollit. Ai rezultat ishte meritë e tij. Edhe pse luajti mirë, Liverpooli mund të ishte mundur edhe 4 apo 5-0”, tha Mourinho.
