Ish-sekretari i Përgjithshëm i Ministrisë së Bujqësisë, Vojo Bregu thotë se shkak për përmbytjet në qytetin e Vlorës, është mungesa e investimeve për mirëmbajtjen e hidrovorëve.Bregu thotë, se paratë investohen për fasada, ndërsa hidrovori i këtij qyteti, është i vjetër sa mosha e kryebashkiakut Dritan Leli.
Reagimi i plotë:
Arsyeja e vetme që përmbytet Vlora dhe Lezha, është mungesa e investimeve si dhe mirëmbajtjes së hidrovorëve. Investohet prej vitesh në fasada qytetesh dhe fshatrash, dhe nuk investohet minimalisht në rrjetin e hidrovorëve, të cilët janë investime të para 30 viteve. Hidrovori i Vlorës mund të jetë i vjetër sa kryetari i bashkisë së Vlorës.
Ditën e djeshme, qyteti i Vlorës u përmbyt në të gjitha rrugët kryesore duke pamundësuar lëvizjen e qytetarëve. Shkak për këtë janë bërë reshjet e shiut, që e kanë gjetur të papërgatitur bashkinë Vlorë, dhe për pasojë edhe bulevardi që kushtoi 8 milionë euro, ishte nën “pushtetin e ujit”.
