Kryetari i PD, Lulzim Basha, mbylli protestën e opozitës përmes një fjalimi nga selia blu, përpara qindra mbështetësve. Basha tha se beteja me të keqen do të fitohet. E vetmja rrugë për zgjidhjen e krizës, përsëriti Basha, është largimi i Edi Ramës.

 “Këtë betejë e nisa për Shqipërinë si gjithë Europa. Tani është koha për zgjidhje polkitike, larigmin e Edi Ramës, qebveri tanzitore dhe zgjedhje të lira e të ndershme. E vetmja rrugë për të hapur dyert e mbyllura të Europës. Ky bashkim i jashtëzakonshëm ka forcën, vendosmërinë dhe qartësinë për ta çuar këtë betejë deri në fund. Ne s’do pranojmë më kurë dhunën e krimit të organizuar në kutitë e votimit. Ne s’do pranojmë kurrë më paligjshmërinë e një qeverie të dalë nga votime të manipuluara nga krimi”, u shpreh Basha.